Həyat gözəldir

cibində bir metro jetonu qalıbsa belə
bütün dostlar cındır çıxıbsa belə

evdən qovsalar da səni
allaha inanmağa məcbur qalsan da

yağışlı palçıqlı bir gündə küçədə gecələməyə məcbur olsan belə
üst-başın itin günündə olsa belə

yavaş-yavaş qocaldığını hiss etsən də
ölümdən qorxmağa başlasan da

mobil telefonunda kontur bitsə də
sevgilin sənə göt çevirsə də
belə deyək ki
xəyanət etsə sənə ən yaxın dostunla

bir gün homo-seksualist olduğunu anlasan da
utandığından özünə deşik tapmasan da

dəxli yoxdur eee...
həyat gözəldir

dahilərdən kimsə

dahilərdən kimsə deyirdi ki
həyat silgi istifadə etmədən
rəsm çəkmək sənətidir

yox...dahilərlə razılaşmaq
həyatla barışmaq olardı
məncə biz heç kimlə razılaşmamalıyıq

razılaşmaq zəiflikdir hərdən
ancaq, şəxsən məndə razılaşmamaq xəstəlikdir
çox şey xəstəlikdir deyir boşboğaz bir dost(um)
bir az razıyam:
məsələn dostluq
dəyər
mentalitet
ümid
inam
arzu
hər cür zir-zibil

gəlin bir anlıq mənim dahiliyimlə razılaşın:
həyat-
sonsuz tərəfi olan bir şeydir
yəni sonsuz tərəflərdən baxmaq olar

mən durduğum tərəfdə təkəm